Rusiya və Ukrayna danışıqları buna görə pozuldu

Rusiya və Ukrayna iki ay ərzində bir-birilərinin enerji obyektlərinə zərbə endirməmək barədə qarşılıqlı razılıq əldə etmək üçün danışıqlara başlamaq niyyəti ilə Qətərə nümayəndələr göndərməlidirlər.

Teleqraf.com xarici mətbuata istinadən xəbər verir ki, ancaq Ukraynanın Rusiya Federasiyasının Kursk vilayətinə hücumu həmin danışıqları pozub.

Bildirilib ki, bu danışıqlar Rusiya-Ukrayna cəbhəsində qismən atəşkəsə nail olmaq imkanı yaratması baxımından əhəmiyyətli idi.

Danışıqlarda Qətər hakimiyyəti vasitəçi kimi çıxış edəcəkdi.

Moskva danışıqları ləğv etməsə də, hələ vaxta ehtiyacı olduğunu bəyan edib. Ukrayna Prezidenti Ofisi isə Dohadakı görüşün Yaxın Şərqdəki vəziyyətə görə təxirə salındığını, lakin danışıqların avqustun 22-də baş tutacağını bildirib.