Livanın bütün ərazisi işıqsız qaldı

Bütün Livanda elektrik enerjisi kəsilib.

Teleqraf.com xarici mətbuata istinadən xəbər verir ki, bu barədə ölkənin elektrik enerjisi şirkəti məlumat yayıb.

Şirkətin yaydığı məlumata görə, ölkəni enerji ilə təmin edən “Az-Zəhrani” elektrik stansiyalarının sonuncu qrupu onun anbarlarında yanacaq ehtiyatı tükəndiyi üçün tamamilə sıradan çıxıb. Bu, Livanın bütün ərazisinin işıqsız qalmasına səbəb olub.

Hazırda ölkənin bütün əsas infrastruktur obyektləri, o cümlədən beynəlxalq hava limanı və dəniz limanı enerjisiz qalıb.