Baydendən geriyə “kədərli miras” qalacaq - KİV

ABŞ Prezidenti Co Bayden geriyə bir çox iqtisadi və xarici siyasət problemlərini həll edə bilmədiyi “kədərli miras” buraxacaq.

Teleqraf.com xəbər verir ki, bu fikir “The Wall Street Journal”da nəşr olunan məqalədə yer alıb.

“Demokratlardan Kamala Harris qalib gələ bilsə, bunu zəfər hesab edəcəklər. Amma ya o, ya da respublikaçılardan prezidentliyə namizəd Donald Trump Baydendən daha bölünmüş və məyus olmuş bir ölkəni miras alacaq. Bu, Baydenin kədərli mirasıdır", - məqalədə deyilir.

Məqalə müəllifləri qeyd edirlər ki, COVID-19 pandemiyasına uğursuz cavablar son nəticədə 2022-ci ilin iyununda 9,1% rekord inflyasiyaya və ABŞ vətəndaşlarının real gəlirlərinin azalmasına səbəb olub. Baydenin miqrasiya böhranının öhdəsindən gələ bilməməsi "prezidentliyinin sirri olaraq qalacaq".

Qeyd edək ki, ABŞ-da prezident seçkiləri noyabrın 5-də keçiriləcək.