Rusiyada içi adam dolu helikopter yoxa çıxdı

Rusiyanın Kamçatka vilayətində göyərtəsində insanların olduğu Mi-8T helikopteri yoxa çıxıb.

Teleqraf.com xəbər verir ki , turist daşımaları ilə məşğul olan “Vityaz Aero” şirkətinin helikopteri Vaçkajets vulkanı ərazisində əlaqəni dayandırıb.

Təyyarə Vaçkajets yaxınlığından Nikolayevkaya uçub, amma ekipaj təyin olunmuş vaxtda əlaqəyə çıxmayıb.

İlkin məlumata görə, helikopterdə 22 nəfər var. Rusiya Fövqəladə Hallar Nazirliyinin Kamçatka Xilasetmə Mərkəzinin qrupu axtarışlara başlayıb.