NATO ölkələri müdafiəyə bu qədər xərcləyir

NATO ölkələrinin müdafiə xərclərinin artacağı təxmin edilir.

Teleqraf.com xəbər verir ki, bu barədə “Defence One” məlumat yayıb.

Avqustun sonunda Donald Tramp NATO ölkələrinin ÜDM-in 3 faizini müdafiəyə xərcləməli olduğunu bildirib. NATO baş katibinin müdafiə siyasəti və planlaşdırılması üzrə köməkçisi Anqus Lapsley də onunla razılaşıb.

"Bəli. Düşünürəm ki, onlar bunu etməlidirlər və edə bilərlər”, - Lapsli qeyd edib. Onun sözlərinə görə, müdafiə xərcləri hazırda baş verə biləcək təhlükələri nəzərə alaraq müdafiə xərcləri iki faizlik həddi keçməlidir.

Estoniyanın müdafiə naziri Hanno Pevkurun proqnozuna görə, bir-iki ildən sonra müdafiə xərcləri 3,7 faizə yüksələcək. "Defense One" jurnalistləri vurğulayıblar ki, NATO-nun digər rəsmiləri milli təhlükəsizliyin təkcə ordudan asılı olmadığı qənaətindədirlər.

Qeyd olunur ki, NATO ölkələri arasında müdafiə xərcləri qeyri-bərabər olaraq qalır. Polşa və Estoniya buna ÜDM-in 4,1 və 3,4 faizini ayırırdığı halda Portuqaliya 1,6 faiz, İspaniya isə cəmi 1,3 faiz xərcləyir.