Maduronun ikinci təyyarəsi də saxlanıldı

Venesuela hökuməti və prezident Nikolas Maduro ilə əlaqəsi olan ikinci təyyarə Dominikan Respublikasında saxlanılıb.

Teleqraf.com xarici mətbuata istinadən xəbər verir ki, bu barədə Dominikanın "Diario Libre" nəşri məlumat yayıb .

“Nicolas Maduro hökuməti ilə əlaqəli ikinci təyyarə Amerika hakimiyyətinin tələbi ilə Dominikan Respublikasında saxlanılıb. Hazırda təyyarə beynəlxalq hava limanındadır və müşahidə altındadır”, - nəşr qeyd edib.

Müvafiq məhkəmə qərarı olmadan təyyarənin hərəkətini davam etdirə bilməyəcəyi qeyd olunur.