Rusiyada bələdiyyə sədri "cadugərlərə" qoşulacaq

Zaporojye vilayətinin Akimovski bələdiyyəsinin sədri Yuliya Qubanova Şimal Hərbi Dairəsində könüllü olmaq istəyib.

Teleqraf.com yerli mətbuata istinadən xəbər verir ki, bu barədə vilayətin qubernatoru Yevgeni Balitski öz Telegram kanalında məlumat verib.

Məlumata görə, bələdiyyə sədri Zaporojye istiqamətində döyüşlərdə iştirak etmək istəyir. Qubernator sədrin “BARS-SARMAT” könüllülər dəstəsində “Gecə cadugərləri 2.0” hava kəşfiyyatı bölməsinin komandiri rütbəsi ilə robot-elektron komplekslər və sistemlərdən ibarət könüllülər dəstəsində xidmət edəcəyini bildirib.