Rusiya Ukraynada bu ərazini ələ keçirdi

Rusiya hərbçiləri tanınmamış Donetsk Xalq Respublikasında (DXR) yerləşən Zolotaya Niva kəndinə nəzarəti ələ keçirib.

Teleqraf.com xəbər verir ki, bu barədə Rusiya Müdafiə Nazirliyi məlumat yayıb.

Məlumata görə, qəsəbə uğrunda gedən döyüşlərdə “Vostok” qoşun qrupunun bölmələri iştirak edib. Bundan başqa döyüşlər zamanı “Vostok” qrupunun əsgərləri 780-ə qədər ukraynalı hərbçini və 51 texnikanı məhv edib.

Onlar həmçinin 12-si NATO ölkələrində istehsal olunan 16 səhra artilleriya qurğusunu və Amerika istehsalı olan iki M113 zirehli transportyoru da daxil olmaqla beş zirehli döyüş maşınının sıradan çıxarıb.