İsrail "Hizbullah" üzvünü oğurladı

İsrailin dəniz xüsusi təyinatlı qrupu Livanın şimalında yerləşən Batrun şəhərinin sahilində əməliyyat keçirib.

Teleqraf.com xəbər verir ki, bu barədə “Al Hadath” televiziya kanalı məlumat yayıb.

Bildirilir ki, əməliyyat zamanı “Hizbullah”ın üzvü oğurlanıb. Oğurlanan livanlı İmad Amhaz sürətli katerlə aparılıb.

"Livan ordusu və xüsusi xidmət orqanları hadisənin bütün detalları ilə bağlı araşdırma aparır," - deyə Livanın ictimai işlər və nəqliyyat üzrə müvəqqəti naziri Əli Hamiye qeyd edib.