Tbilisidə müxalifətin yürüşü davam edir

Gürcüstanın müxalifət partiyalarının nümayəndələri, onların tərəfdarları, eləcə də bir sıra fəallar Tbilisidə parlament seçkilərinin nəticələrinə qarşı yürüş təşkil edirlər.

Teleqraf.com xəbər verir ki, bu barədə TASS-ın müxbiri məlumat yayıb.

Müxalifətçilərin və onların tərəfdarlarının bir qismi metronun “Mərcanişvili” stansiyasının yaxınlığında, bir qismi “Vake” parkının, bir hissəsi isə Gürcüstan Futbol Federasiyasının binasının yaxınlığında toplaşıb.

Qeyd edək ki, oktyabrın 26-da Gürcüstanda parlament seçkiləri keçirilib. Parlamentə daxil olan bütün müxalifət partiyaları seçkilərin nəticələrini saxta hesab etdikləri üçün nəticələri tanımaqdan imtina ediblər.

Noyabrın 4-dən müxalifət liderləri etiraz aksiyaları keçirir.