Üç ölkə birdən Rusiyaya qarşı... – Çin dərhal təpki göstərdi

Ukraynada davam edən münaqişədə ən vacibi eskalasiyanın tezliklə aradan qaldırılması və siyasi həll yolu axtarışıdır.

Teleqraf.com xəbər verir ki, bunu Çin Xarici İşlər Nazirliyinin sözçüsü Lin Syan ABŞ, Fransa və Böyük Britaniyanın Ukraynaya Rusiyanın dərinliyə zərbələr endirməsinə icazə verməsi barədə məlumatı şərh edərkən deyib.

“Atəşi və hərbi əməliyyatları mümkün qədər tez dayandırmaq və siyasi həll yolu axtarmaq bütün tərəflərin maraqlarına uyğundur. İndi ən vacib şey vəziyyəti mümkün qədər tez soyutmağa kömək etməkdir”, - çinli diplomat vurğulayıb.

ABŞ, Britaniya və Fransanın məlum qərarından sonra bunun qaçılmaz olaraq ciddi eskalasiyaya gətirib çıxaracağı barədə xəbərdarlıq mesajları gəlməyə başlayıb.