ABŞ-da təyyarə qəzası: 2 nəfər öldü, biri ağır yaralandı

ABŞ-ın Kolorado ştatında “Cessna 182” tipli yüngül mühərrikli təyyarə qəzaya uğrayıb.

Teleqraf.com xəbər verir ki, bu barədə NBC telekanalı məlumat yayıb.

Təyyarə axtarış-xilasetmə missiyası çərçivəsində uçuş həyata keçirərkən Boulder şəhərindən 77 km şimalda qəzaya düşüb. Təyyarənin göyərtəsində mülki hava patrulunun könüllü üzvləri olub.

Hadisə nəticəsində pilotlardan biri və aerofotoqraf həlak olub, ikinci pilot isə ağır bədən xəsarətləri ilə xəstəxanaya çatdırılıb. Hazırda qəzanın səbəbləri araşdırılır. Yerli hakimiyyət orqanları faciə ilə bağlı təhqiqat aparır.