Gürcüstan Patriarxlığından çağırış - "Ruhumuza ziddir"

Gürcüstan Patriarxlığı ölkədə baş verənlərlə bağlı bəyanat yayıb.

Teleqraf.com xəbər verir ki, ali dini qurum hakimiyyət və hüquq-mühafizə orqanları nümayəndələrini və etirazçıları aqressiv və təhqiredici hərəkətlər, qarşıdurmalardan çəkinməyə çağırıb.

Bildirilib ki, neqativ hərəkətlər kilsənin baxışlarına və ümumilikdə xristian ruhuna ziddir.

“Müxtəlif fikir və baxışlara görə bir-birimizi incitməyək və mövqeyimizi daha sivil şəkildə ifadə edək. Sizi bir daha sülhə və sağlam düşüncəyə çağırırıq”, - bəyanatda deyilir.