Zurabişvili Gürcüstana xidmət etmir, muzdlu agentdir – Kaladze

“Salome Zurabişvili Gürcüstan dövlətinə xidmət etmir. O, adi muzdlu agentdir və konkret xarici qüvvələrin maraqlarına xidmət edir”.

Teleqraf.com xəbər verir ki, bunu Gürcüstanın hakim “Gürcü Arzusu” partiyasının baş katibi, Tbilisi meri Kaxa Kaladze deyib.

Onun sözlərinə görə, prezident ölkədə qarşıdurma, gərginlik və dövlət çevrilişinin baş verməsini arzulayır.
“İndiyə qədər prezident adlandırılan bir şəxsin məktəbliləri küçələrə çıxıb zorakı hərəkətlər etməsinə çağırış etməsi sadəcə ağlasığmazdır”, - K.Kaladze söyləyib.