Gürcüstanı Ukraynaya çevirmək alınmayacaq - Kaladze

"Gürcüstanın ukraynalaşdırılması planı baş tutmayacaq. Bizim ölkədə “Maydan” ola bilməz və olmayacaq".

Teleqraf.com xəbər verir ki, bunu hakim “Gürcü Arzusu” partiyasının baş katibi, Tbilisi meri Kaxa Kaladze deyib.

Onun sözlərinə görə, Gürcüstan hökuməti ölkə hüdudlarından kənarda yazılan ssenarinin agentlər tərəfindən həyata keçirilməsinə yol verməyəcək:

"Dövlət institutları güclüdür və düzgün işləyirlər. Gürcüstanı heç kim məhv edə bilməz".