Suriyanın qiyamçı müxalif lideri ilk dəfə danışdı - "Bu rejim ölüb"

“İnqilabın məqsədi bu rejimin devrilməsi olaraq qalır. Məqsədə çatmaq üçün bütün mümkün vasitələrdən istifadə etmək hüququmuz var”.

Teleqraf.com xəbər verir ki, bunu "CNN"ə eksklüziv müsahibəsində “Heyət Təhrir Əl-Şam” (HTS) silahlı qruplaşmasının lideri Əbu Məhəmməd əl-Culani deyib.

O bildirib ki, Suriyada institutlara əsaslanan hökumət və xalq tərəfindən seçilən şura yaratmaq planlanı var.

“Rejimin məğlubiyyətinin toxumları həmişə onun içində olub. İranlılar vaxt udaraq rejimi dirçəltməyə çalışdılar, sonra ruslar da ona dəstək verdilər. Amma həqiqət odur ki, bu rejim ölüb”-Culani deyib.

Culani vurğulayıb ki, Dəməşq hökuməti yıxılandan sonra bütün əcnəbi qoşunlar Suriya ərazisini tərk etməli olacaq, çünki buna artıq ehtiyac qalmayacaq.

Culani “Əl-Qaidə” ilə əlaqələrini inkar edib. Müsahibədə o, özünü əsl adı ilə – Əhməd əl-Şaraa kimi təqdim edib.