Şəhər müdafiəyə çəkildi - “Ruslar çatırlar”

Ukraynanın Zaporoje vilayəti müdafiəyə hazırlaşır, şəhər ətrafında istehkamlar tikilir. Təhlükə ciddidir.

Teleqraf.com xəbər verir ki, bu barədə Ukrayna ordusunun “Aydar” batalyonunun komandiri, hərbi analitik Yevgeni Diki məlumat verib.

Onun sözlərinə görə, Rusiya ordusu bir müddətdir şəhərə gedən yolun əsas nöqtəsi olan Orixovo kəndi yaxınlığında yerləşib.

Diki bildirib ki, ruslar bu kəndi ələ keçirsələr, Zaporojeyə yol üzlərinə açılacaq:

“Komandamız bu təhlükəni çox ciddi qiymətləndirir. Hələ həftə yarım - iki həftə əvvəl Zaporoje vilayət administrasiyasının rəhbəri artıq şəhər ətrafında səngərlərin qazılması və ya istehkamların tikilməsi barədə məlumat vermişdi. Yəni yaxşı xəbər odur ki, administrasiya Zaporojeni müdafiə etməyə hazırlaşır, amma çox pis xəbər odur ki, biz Zaporojeni müdafiəyə hazırlamalıyıq”.