Qəzzada son durum: Ölənlərin sayı artır

İsrail ordusunun Qəzzadakı Nuseyrat qaçqın düşərgəsində yerləşən yaşayış məntəqəsinə endirdiyi zərbə nəticəsində həlak olanların sayı 33 nəfərə yüksəlib.

Teleqraf.com xəbər verir ki, bu barədə "CNN" yerli mənbələrə istinadən məlumat yayıb.

Ölənlərdən 9-nun azyaşlı olduğu açıqlanıb.

Hücum zamanı yaralanan və itkin düşənlərin ümumi sayı 84 nəfəri ötüb.

Hazırda düşərgədə axtarış-xilasetmə işləri aparılır.

İsrail hərbçiləri əsas hücum hədəfinin yüksək vəzifəli terrorçu olduğunu bildiriblər.