Gürcüstan xüsusi təyinatlılarının başçısına atəş açıldı – KİV

Gürcüstanın Daxili İşlər Nazirliyinin (DİN) Xüsusi tapşırıqlar departamentinin rəhbəri Zviad Хаrаzişviliyə silahdan atəş açılıb.

Teleqraf.com xəbər verir ki, bu barədə yerli “Mtavari arxi” və “Pirveli” telekanalları məlumat yayıblar.

Qoruyucu jilet gülləni saxlayıb və nəticədə Zviad Хаrаzişvili zədələr alıb.

Yayılmış məlumatlara reaksiya verən Gürcüstan DİN-dən bildirilib ki, Хаrаzişvili məşq zamanı travma alıb və bu səbəbdən klinikada müayinədən keçib.

“Bir neçə il öncə Zviad Хаrаzişvili çiynindən əməliyyat olunub və mütəmadi olaraq müayinədən keçir. Məşq zamanı o, travma aldığından klinikada olub, müayinədən sonra tibb müəssisəsini tərk edib”, - məlumatda qeyd olunub.