Bu türk dövləti İran üçün rüsumları ləğv etdi, Türkmənistan üçünsə artırdı
Özbəkistanın dövlət büdcəsi haqqında qanun 2025-ci ildən xarici daşıyıcılara tətbiq edilən rüsum dərəcələrinə yenidən baxıb.
Teleqraf.com "Azon Global" saytına istinadən xəbər verir ki, bu dəyişikliklər ölkəyə daxil olan və tranzit keçən avtomobillərə şamil edilir.
2025-ci ildə Yanvarın 1- dən Türkmənistanda qeydiyyatdan keçmiş yük avtomobilləri üçün gömrük rüsumu əhəmiyyətli dərəcədə artırılıb . Bundan əlavə , üçüncü ölkələrdən yüklərin daşınması və Özbəkistan ərazisindən malların ixracı üçün rüsum 375 dollara qədər artırılıb .
Avropa İttifaqı və Azərbaycanın daşıyıcıları üçün də yeni diferensiallaşdırılmış rüsumlar müəyyən edilib .
İranda qeydiyyatda olan yük maşınları üçün rüsumlar ləğv edilib, onlar üçün tarif “0” dollar səviyyəsində müəyyən edilib. Digər ölkələr üçün ödənişlər dəyişməz qalıb.
