Rusiyanın Voronej şəhərinə pilotsuz uçuş aparatların (PUA) hücumlarının nəticələrinin aradan qaldırılması üzrə işləri sürətləndirmək üçün fövqəladə vəziyyət rejimi tətbiq edilib.

Teleqraf.com TASS-a istinadən xəbər verir ki, şəhərin başçısı Sergey Petrinə görə, bu rejim sakinlər üçün heç bir məhdudiyyət yaratmayacaq.

“Qubernatorun göstərişi ilə PUA hücumunun nəticələrini aradan qaldırmaq üçün işimizi davam etdiririk”, - Petrin yazıb.

Dəymiş ziyanın həcmi bütün işlər başa çatdıqdan sonra mütəxəssislər tərəfindən qiymətləndiriləcək.

Fövqəladə hallar xidməti Voronej şəhərinin Levoberejnı rayonunda yerləşən yaşayış binasının 100-ə yaxın sakinini təxliyyə edib, orada vurulmuş dronların hissələrini aşkar ediblər. Sakinlərin əksəriyyəti qohumlarının yanına gedib.

Yanvarın 4-də Qusev bildirib ki, Voronej və şəhərətrafı ərazilərdə azı beş pilotsuz təyyarə məhv edilib .