Rusiya Ukraynanın ələ keçirdiyi ərazilərini geri aldı

Rusiya ordusu Ukraynanın şərqi və Kurks vilayətində irəliləməkdə davam edir. Ruslar bu istiqamətlərdə 6 yaşayış məntəqəsini ələ keçiriblər.

Teleqraf.com xəbər verir ki, bu barədə “DeepState” məlumat yayıb.

Söhbət Donetsk vilayətinin 3, Rusiyanın Kursk vilayətinin eyni sayda yaşayış məntəqəsindən gedir. Ruslar Donetskdə Petropavlivka, Vozdvijenka və Soloneni işğal ediblər, Kurskda isə Novoivanovka, Leonidovo və Aleksandriyanı geri alıblar.

Rusiya ordusu Ukraynanın Xarkov vilayətinin Dvoriçnaya, Zapadnı, eləcə də Donetskin Kuraxovo və Yasenovo kəndləri yaxınlığında irəliləyib.