Ukrayna razılaşmasında iki vacib məqam - ABŞ rəsmisi açıqladı

Ukraynada münaqişənin dayandırılmasına dair razılaşma Kiyevə ərazi bütövlüyü məsələlərində qərar qəbul etmək hüququ verməlidir. Həmçinin hərbi əməliyyatların təkrarlanmaması üçün təhlükəsizlik təminatları bura daxil edilməlidir.

Teleqraf.com xəbər verir ki, bu barədə ABŞ prezidenti Co Baydenin milli təhlükəsizlik üzrə müşaviri Ceyk Sallivan CNN telekanalına müsahibəsində bildirib .

“Yaxşı sövdələşmə Ukraynanın öz ərazisi, xalqı və azadlığı ilə bağlı özünün qərar verməsidir, ABŞ-ın yox”,- Sallivan deyib.

ABŞ rəsmisi əlavə edib ki, Qərb Ukraynada təhlükəsizlik tədbirlərini gücləndirməlidir ki, Rusiya istənilən vaxtı bu ölkəyə qarşı hücum etmək imkanında olmasın.