Gürcüstan-Rusiya biznes birliyi yaradıldı

Gürcüstan-Rusiya Biznes Assosiasiyası təsis edilib.

Teleqraf.com-un Gürcüstan bürosu xəbər verir ki, bu barədə yerli “Business Media” nəşri yazıb.

Məlumata əsasən, təşkilata iş adamı Zaza Nişnianidze rəhbərlik edəcək.

Biznesmen bildirib ki, assosiasiyanın əsas məqsədi Rusiyaya ixracla məşğul olan iş adamlarına dəstəyin göstərilməsidir. O, təşkilatla bağlı 60-ya yaxın şirkətin nümayəndələrinin iştirakı ilə ilk işgüzar görüşün keçirildiyini qeyd edib.

Z.Nişnianidze assosiasiyaya qoşulmağa maraq göstərən Rusiya şirkətlərinin olduğunu da deyib.