Tramp miqrantları aşağıladı: "Onlar ən pis insanlardır"

"ABŞ-də qeyri-qanuni miqrantların deportasiyası uğurla gedir".

Teleqraf.com xəbər verir ki, bunu ABŞ prezidenti Donald Tramp bildirib.

“Biz dəhşətli, qatı cinayətkarlardan xilas oluruq. Bunlar ən pis insanlardır. Biz əvvəlcə onlardan qurtuluruq”, – Ağ Evin rəhbəri bildirib.

Tramp inauqurasiyadan sonra ilk çıxışında qeyri-qanuni mühacirlərin ABŞ-yə girişini dayandıracağını, həmçinin milyonlarla miqrantı deportasiya edəcəyini vəd edib. O, həmçinin Meksika ilə sərhəddə vəziyyətlə əlaqədar fövqəladə vəziyyət tətbiq edəcəyini və ora qoşun göndərəcəyini bildirib.