Rusiyanın beynəlxalq təmsilçisi avropalı məmurları səriştəsiz adlandırdı

Avropa İttifaqının məmurları Belorusdakı seçkilər kontekstində öz səriştəsizliklərini ortaya qoydular.

Teleqraf.com xəbər verir ki, Rusiyanın Vyanada beynəlxalq təşkilatlarındakı daimi nümayəndəsi Mixail Ulyanov öz "Telegram" kanalında belə yazıb.

O bildirib ki, Belorus prezidentinə xalq səs verib, Avropa İttifaqının məmurları isə Aİ üzv ölkələrinin əhalisi tərəfindən seçilməyiblər. O, avropalı məmurları səriştəsiz adlandırıb.

Diplomat qeyd edib: "Təəssüflə deməliyəm ki, Belorusdakı seçkilər fonunda Aİ məmurları öz səriştəsizliklərini və siyasi qərəzlərini ortaya qoydular".