Uğur Dündarı Somadan qovdular

Zərərçəkənlərin yaxınları Somada mədənə gələn yazıçı-publisist Uğur Dündara “Elə bil toya gəlmisən, get burdan!” - deyərək, etiraz ediblər.

“Axar.az”ın verdiyi xəbərə görə, Türkiyə Jurnalistlər Federasiyası (Türkiye Gazeteciler Federasyonu - TGF) rəhbəri Atilla Sertel və jurnalist Uğur Dündar Somadakı kömür mədəninə gəlib.

Sertel Dündar ilə gəldiyi Eynez bölgəsindəki mədəndə gedən işlərlə tanış olub. Hadisə yeri ilə tanış olduqdan sonra ətrafına toplanan adamlarla söhbətləşən Dündara zərərçəkənlərin ailələri “Bura siyasət meydanı deyil. Elə bil toya gəlmisən. Get burdan!” - deyərək etiraz edib.

Özünə qarşı sərt reaksiyaları görən tanınmış yazar sözünü yarımçıq saxlayaraq, hadisə yerindən ayrılmağa məcbur olub.