"ABŞ İŞİD-dən Əsədə qarşı faydalanır"

ABŞ “İŞİD” terrorçu qruplaşmasını məhv etməyə tələsmir.

Teleqraf.com-un TASS-a istinadən məlumatına görə, bunu Rusiya Təhlükəsizlik Şurasının katibi Nikolay Patruşev bəyan edib.

Onun sözlərinə görə, ABŞ Suriya prezidenti Bəşər Əsədin ətrafında vəziyyətin gərgin olaraq qalmasında maraqlıdır.

“Ağ Evin uzaqgörən olmayan siyasəti problemlərə gətirib çıxarır. Bu məsələlərlə isə beynəlxalq aləm mübarizə aparmalı olur. Təəssüf ki, rəsmi Vaşinqton həmişə olduğu kimi terrorizmlə mübarizədə "ikili standart"lardan istifadə edir”, deyə N.Patruşev bildirib.