Kerri iranlı həmkarı ilə görüşəcək

İranın nüvə proqramı üzrə növbəti danışıqlar raundunun gələn həftə İsveçrədə keçirilməsi nəzərdə tutulub.

APA-nın TASS agentliyinə istinadən məlumatına görə, bu barədə diplomatik mənbələr bildirib.

Gözlənilir ki, növbəti danışıqlar raundunda ABŞ və İran nümayəndələrinin ikitərəfli görüşü baş tutacaq. ABŞ dövlət katibi Con Kerri, İranın xarici işlər naziri Məhəmməd Cavad Zərif və “altılıq ölkələri” siyasi direktorlarının iştirakı ilə görüşlərin də planlaşdırıldığı bildirilir.