Makkeyn BMT-ni hədələdi

BMT Təhlükəsizlik Şurası Fələstini dövlət kimi tanıyan qətnamə qəbul edərsə, ABŞ Konqresi BMT-ni maliyyələşdirmək məsələsinə yenidən baxmalıdır.

Musavat.com-un xarici KİV-ə istinadən verdiyi xəbərə görə, bu barədə Konqresin silahlı qüvvələrlə iş üzrə komitəsinin sədri, respublikaçı-senator Con Makkeyn bildirib.

Onun sözlərinə görə, Amerika prezidenti Barak Obama bu qətnaməni müdafiə etməməlidir. “Əgər o, bunu eləsə və qətnaməni BMT bəyənsə, o zaman ABŞ Konqresi ümumdünya təşkilatını maliyyələşdirmək məsələsinə yenidən baxmalıdır”, - deyə Makkeyn vurğulayıb.