24 Mart 2015 08:50
660

Əfqanıstanda qalacaq ABŞ qoşunlarının sayına dair qərarı Barak Obama verəcək.

APA-nın TASS-a istinadən verdiyi məlumata görə, bu barədə ABŞ-da səfərdə olan Əfqanıstan prezidenti Əşrəf Qəni Əhmədzay bildirib.


“Konkret sayın müəyyənləşdirilməsi ABŞ-ın səlahiyyətindədir. Qoşunların sayına dair qərar prezident Barak Obama tərəfindən veriləcək. Ümumiyyətlə, rəqəmlər önəmli deyil, əsas məqsəd ABŞ və Əfqanıstanın təhlükəsizliyidir”, deyə Əhmədzay vurğulayıb.


Öz növbəsində, ABŞ-ın Dövlət katibi Con Kerri bildirib ki, adıçəkilən məsələ ABŞ və Əfqanıstan prezidentlərinin Ağ Evdəki görüşündə müzakirə ediləcək.


Bundan əvvəl ABŞ-ın müdafiə naziri Eşton Karter 2016-ci ildən Əfqanıstanda ABŞ hərbi kontingentinin sayının azaldılacağını bildirib. “2017-ci ildən etibarən isə ölkədə sabitliyin təmin edilməsində aparıcı rol yerli təhlükəsizlik qüvvələrinə məxsus olacaq”, deyə E.Karter vurğulayıb.


Müəllif: