Kral ölümündən 530 il sonra yenidən dəfn edildi

İngiltərə Kralı III Riçard ölümündən 530 il sonra yenidən dəfn edilib.

Publika.az xarici mediaya istinadən xəbər verir ki, sümükləri 2012-ci ildə İngiltərədə bir avtoparkın altında tapılan Kral III Riçard Leyçester şəhərində təşkil edilən mərasimlə dəfn edilib.

Kral III Riçard 1485-ci ildə, taxta çıxdığı ikinci ildə Bosvort müharibəsində 32 yaşında həyatını itirmişdi. Kralın sümükləri 2012-ci ilin avqust ayında İngiltərənin Leyçester şəhərindəki bir avtoparkın altında həyata keçirilən arxeoloji qazıntılar zamanı tapılıb.

Leyçester Universiteti ötən il skeletin Kral III Riçarda aid olduğuna dair güclü dəlillərin olduğunu açıqlamışdı.