28 Mart 2015 01:15
979
12 Punto 14 Punto 16 Punto 18 Punto

İran Yəməndə hava hücumlarında yaralananları ölkəsində müalicə edə biləcəyini açıqlayıb.

Məlumata görə, Tehran rəhbərliyi ayrıca Yəmən hökumətinin istəyəcəyi halda bu ölkəyə tibbi yardım və həkim göndərməyə də hazır olduğunu bildirib.

İran Səhiyyə Nazirliyi Yəmənə qarşı Səudiyyə Ərəbistanın başçılıq etdiyi koalisiyanın endirdiyi hava zərbələrinə görə, yığıncaq təşkil etdiyini bildirilir. Səhiyyə naziri, Qızıl Aypara təşkilatının və hərbi səlahiyyətlilərin qatıldığı yığıncağın ardından verilən şərhdə "inqilab hökuməti" olaraq adlandırılan Yəmən hökumətinin kömək istəyəcəyi halda bu ölkəyə yardım göndəriləcəyi qeyd edilib.

Tehran həmçinin hava zərbələri zamanı yaralanan yəmənlilərin ölkəsindəki xəstəxanalarda müalicə etməyə hazır olduğunu ifadə edib.

Qeyd edək ki, Tehran rəhbərliyi Yəməndə məscidə edilən hücum zamanı yaralanan 52 nəfəri müalicə etmək məqsədiylə İrana gətirib. Hazırda yaralılar Tehranda müalicə edilir./ans/


Müəllif: