Maduro jurnalistləri aldatdı -VİDEO

Panamada keçirilən Amerika Sammiti zamanı Venesuela prezidenti Nikolas Maduro jurnalistlərdın qaçmaq üçün oxşarından istifadə edib.

ANS PRESS-in məlumatına görə, onun bu kələyi Sammiti izləyən CNN reportyorlarının diqqətindən yayınmayıb.

Kadrlardan görünür ki, Nikolas Maduronun oxşarı və yanında Venesuelanın birinci xanımı Siliya Flores “Şeraton” otelinin əsas girişindən çıxıb Sammitin keçirildiyi Saraya yollanır. Əsl Maduro isə onun ardınca otelin digər qapısından xəlvəti çıxaraq Venesuela nümayəndə heyətinin avtomobillərindən birinə əyləşərək Sammitə yollanır.

33 dövlətin iştirak etdiyi Amerika Sammitində Panama hakimiyyəti fövqəladə təhlükəsizlik tədbirləri görüb. Venesuela prezidenti dəfələrlə bəyan edib ki, ABŞ və digər imperialist qüvvələr onu devirməyə, öldürməyə çalışır, ölkəsinə qarşı qəsd hazırlayır.