Putin və Medvedevin illik gəliri açıqlandı

2014-cü ildə 7 654 042 rubl (151,5 min dollar) qazanmış Rusiya prezidenti Vladimir Putinin gəliri əvvəlki ilə nisbətdə iki dəfədən çox artıb.

Teleqraf.com BBC-ə istinadən xəbər verir ki, bu barədə məlumat Kremlin saytında dərc edilib. Gəlirlər deklarasiyasına əsasən Vladimir Putin 1500 kvadrat metr torpaq sahəsi və 77 kvadrat metr ölçüsündə mənzil və bir qarajın sahibidir.

Bundan başqa prezidentin istifadəsində daha 153,7 kvadrat metr sahəsi olan mənzilin olduğu bildirilir. Putinin QAZM 21, QAZ М-21-P və Niva markalı 3 şəxsi avtomobili var.

Ötən il ərzində Rusiya baş nazirinin gəlirləri də təqribən iki dəfə artıb. Dmitri Medvedevin 8,052 milyon rubl (159,4 min dollar) qazandığı qeyd olunur.

Gəlirlərinə görə ikinci yerdə Rusiya prezident administrasiyası başçısının müavini qərarlaşıb. 2014-cü ildə Vyaçeslav Borodinin təxminən 63 milyon rubl (1,3 milyon dollar) qazandığı bildirilir.

Samir