İranın müdafiə naziri Bakıya gəlir

İran İslam Respublikasının Müdafiə və Silahlı Qüvvələrə dəstək naziri general-mayor Hüseyn Dehqan sabah Azərbaycana gəlir.

ANS-in məlumata görə, iranlı nazirin işgüzar səfəri Azərbaycan Respublikasının Müdafiə naziri, general-polkovnik Zakir Həsənovun rəsmi dəvəti çərçivəsində baş tutacaq.

Hüseyn Dehqan bu səfərdə Azərbaycanın yüksək rütbəli hərbi və siyası rəsmiləri ilə görüşlər aparacaq.

Görüşlərdə ikitərəfli munasibətlər, hərbi əməkdaşlıqların genişləndirilməsi, həmçinin regiondakı son vəziyyətin muzakirə olunacağı gözlənilir.

Qeyd edək ki, Zakir Həsənov keçən il aprel ayında İrana rəsmi səfər etmişdi.