İranda amerikalı jurnalistə qarşı casusluq ittihamı

İranda həbsdə olan amerikalı jurnalist Ceyson Rezaiyana qarşı casusluq da daxil olmaqla dörd ittiham irəli sürülüb.

Teleqraf.com xarici mediaya istinadən xəbər verir ki, bununla bağlı Rezaiyanın vəkili Leyla Əhsən açıqlama verib. Onun sözlərinə görə, hüquqlarını müdafiə etdiyi şəxsə qarşı gizli məlumatlar toplamaq və bu məlumatları pis niyyətlə istifadə etmək ittihamları da verilib.

“Washington Post” qəzetinin baş redaktoru Martin Baron bu ittihamları gülünc adlandırıb.

Günahı sübuta yetiriləcəyi təqdirdə Rezaiyanı 10 ildən 20 ilədək azadlıqdan məhrum etmə cəzası gözləyir.

Samir