Vahid Ələkbərov:"Neftin qiyməti dibə çatıb"

Rusiyanın Lukoil şirkətinin prezidenti Vahid Ələkbərov deyib ki, neftin qiyməti dibə çatıb.

RİA-Novosti Agentliyinin məlumatına görə, Ələkbərov aprelin 21-də deyib ki, Rusiyada neft istehsalı sabitləşə, yaxın perspektivdə isə azala bilər.

Ancaq Arktikada istehsal işə düşdükcə Rusiya yenə neft istehsalında önə çıxacaq.

Rusiyanın energetika naziri Aleksandr Novak isə Almaniyanın Die Welt qəzetinə müsahibəsində bildirib ki, 2015-ci ildə neftin 1 barelinin orta qiyməti 60 dollar olacaq və 2017-ci ilədək 70 dolları ötməyəcək.