Mahaçqalada növbəti anti-terror əməliyyatı başlayıb

Mayın 7-də Rusiyanın xüsusi təyinatlı dəstələri Dağıstan respublikasının Mahaçqala şəhərində yaraqlıların gizləndiyi evə hücuma keçiblər.

Respublika polis idarəsinin nümayəndəsi yaraqlıların təslim olmaq barədə tələbi rədd etdiklərini və atəş açdıqlarını deyib. Hazırda atışmanın davam etdiyi bildirilir.

İlkin məlumata əsasən, çoxmərtəbəli yaşayış binasında iki yaraqlı və onlara kömək edən şəxs xüsusi təyinatlılara müqavimət göstərir.