Olland embarqonu ləğv etməyə çağırdı

Fransa prezidenti Fransua Olland Kubada 1959-cu il inqilabının liderləri Fidel və Raul Kastro ilə görüşüb.

Teleqraf.com xarici mediaya istinadən xəbər verir ki, Olland səfər zamanı Kuba iqtisadiyyatına böyük ziyan vuran embarqonun ləğvinin vacibliyini vurğulayıb.

Yayılan məlumatlara görə, Fransanın “Total” neft-qaz şirkəti ilə Kubanın “CubaPetroleo” dövlət neft şirkəti arasında neft yataqlarının kəşfiyyatı haqqında saziş imzalanıb.

Qeyd edək ki, Olland 1898-ci ildən bəri Kubaya səfər edən ilk Fransa prezidenti və 1980-ci ildən sonra adada olan ilk Qərb lideridir.

Samir