Peyki orbitə daşıyan "Proton" raketi yerə düşüb

Meksika peykini orbitə çıxaracaq “Proton” raketi nasazlığa görə uçuşu başa vura bilməyib.

Teleqraf.com BBC-yə istinadən xəbər verir ki, raket Şərqi Sibirdə yerə düşüb. Rusiya kosmik agentliyinin məlumatına əsasən, raketin düşdüyü ərazidə dağıntı və tələfat baş verməyib.

Meksikanın “MexSat-1” kosmik gəmisini daşıyan "Proton-M" raketi Baykonur kosmodromundan şənbə günü Qrinviç vaxtilə 05:47-də göyə qalxıb. Mütəxəssislər uçuşun 500-cü saniyəsindən sonra nasazlığın aşkar olunduğunu deyiblər.

Qəzanın səbəbləri müəyyən edilənədək “Proton” raketlərinin buraxılması dayandırılıb.

Samir