Onlarla londonlu bir adam üçün səfərbər oldu - VİDEO

İngiltərənin paytaxtı Londonda onlarla insan səfərbər olaraq bir nəfəri xilas ediblər.

ANS PRESS-in məlumatına görə, 34 yaşlı bir adam 12 tonluq ikimərtəbəli sərnişin avtobusunun altında qalıb. Adam ağır yaralı olsa da, avtobusu tərpətmək mümkün olmadığından ona tibbi yardım göstərmək mümkün deyilmiş.

Bu zaman onlarla insan avtobusu qaldırmağa cəhd ediblər. Yaxınlıqdakı kafedə nahar edən insanlar da bunu görüb onlara yardıma gəliblər. Kafenin sahibi insanların belə bir hadisə zamanı əlbir hərəkət etməsindən çox təsirləndiyini və sevindiyini deyib. Onun sözlərinə görə, avtobus ətrafında təxminən 50-100 arası adam toplaşmışdı.

Nəhayət ki, köməkləşən insanlar avtobusu 1 metrədək kənara itələyə biliblər. Avtobus altında qalan adam isə ağır yaralı vəziyyətdə xəstəxanaya aparılıb.