PKK Çaldıranda 4 qızı qaçırdı

Türkiyə Van vilayətinin Çaldıran rayonunda litsey şagirdi olan 4 qız PKK terrorçuları tərəfindən qaçırılıb.

ANS PRESS-in yerli mətbuata istinadən verdiyi xəbərə görə, məktəbə aid yataqxanada qalan həmin qızların mayın 27-dən itkin düşməsi barədə rayon polis şöbəsinə məlumat daxil olub.

Hazırda polis PKK terrorçuları tərəfindən qaçırıldığı güman olunan yaşları 16-17 arasında olan 4 qızın tapılması üçün əməliyyatlara davam edir.

Bundan əvvəl isə PKK terrorçularının Çaldıranda 3 nəfəri aldadaraq özlərinə aid düşərgəyə aparmaları barədə məlumat yayılmışdı. Həmin şəxslərin isə mayın 12-dən itkin düşdüyü bildirilir.