8 İyun 2015 14:53
716
12 Punto 14 Punto 16 Punto 18 Punto

Moskvada Rusiya Azərbaycanlı Gənclər Birliyinin (RAGB) sədri Leyla Əliyevanın təşəbbüsü ilə “Bakı-2015” birinci Avropa Oyunlarını dəstəkləyən fləşmob keçirilib. Azərbaycanlı gənclər RAGB-nin himayəsi ilə M.Qorki adına mərkəzi mədəniyyət və istirahət parkında aksiya təşkil ediblər.

RAGB fəalları suvenirlər və xatirə hədiyyələri – “Bakı-2015”in loqotipi olan şarlar, bilərziklər, futbolkalar, beysbolkalar, qələmlər və kitabçalar, Azərbaycan bayrağının rənglərində olan kürəciklər paylayıblar. Onlar moskvalılara Azərbaycan boyu gəzdirilən Olimpiya məşəli haqqında danışıb, sualları cavablandırıb, Avropa Oyunlarının iştirakçılarına – idmançılara uğurlar arzulayıblar.

Rusiya Azərbaycanlı Gənclər Birliyi idarə heyətinin üzvü Emin Hacıyev AZƏRTAC-a müsahibəsində deyib: “Bakıda birinci Avropa Oyunlarının çoxdan gözlənilən açılış mərasiminə bir neçə gün qalıb. Leyla Əliyevanın rəhbərlik etdiyi RAGB qitənin bütün sakinləri üçün möhtəşəm olan bu hadisədən kənarda qala bilməzdi. Bizim fəallarımız 2015-ci ilin əsas idman bayramı haqqında özünəməxsus tərzdə danışmağı qərara aldılar”.


Müəllif: