“Facebook messenger” istifadəçilərinin sayı 700 milyona çatıb

Hazırda “Facebook” şirkətinin “Messenger” mobil tətbiqinin aylıq istifadəçilərinin sayı 700 milyona çatıb. Bu haqda investorlarla illik görüş zamanı şirkətin baş direktoru Mark Zukerberq məlumat verib.

Mobil tətbiqin sosial şəbəkədən ayrılmasından 7 ay ötüb. Bu müddət ərzində xidmətin auditoriyası 200 milyon artıb. Cari il mart ayının sonunda bu göstərici 600 milyon təşkil edib.