Dövlət Departamenti: Korrupsiya və qeyri-şəffaf hökumət Ermənistanın əsas problemləridir

ABŞ Dövlət Departamentinin dünyada insan haqqlarının vəziyyəti ilə bağlı illik hesabatında Ermənistanın 2014-cü il ərzində ən ciddi insan haqqlarının pozuntuları kimi korrupsiya və hakimiyyətin qeyri-şəffaf olmasını qeyd edib. Bu barədə Trend .am saytına istinadən xəbər verir.

Bundan başqa, Ermənistan Silahlı Qüvvələrində şübhəli əsgər ölümləri, "dedovşina" və çağırışçılara qarşı qəddar rəftarda qeyd olunur.

"Məlumat var ki, polis həbs və dindirmə zamanı ifadələrin alınması məqsədi ilə işgəncələr verməyə davam edir. Həbsxanaların çoxusu qeyri-sanitar şəraitindədilər. Hökumət insanların cinayətdə şübhəli bilinənlərin əsassız həbsinə və saxlanılmasına davam edib", - hesabatda qeyd olunur.

Etirazları işıqlandıran jurnalistlərə qarşı olan təzyiqdə qeyd olunub.