Yəməndə qarşıdurmalar səngimir: 31 ölü, 81 yaralı

Yəmənin Taiz şəhərində Husi Ensarullah Hərəkatı döyüşçüləri ilə prezident Abdurabbu Mansur Hadi tərəfdarları arasında toqquşmalar baş verib.

Teleqraf.com xarici mediaya istinadən xəbər verir ki, döyüşlərdə 31 nəfər həyatını itirib, 81-i isə yaralanıb. Ölənlərdən 23-ü Husi döyüşçüləri olub. Amma buna baxmayaraq, Husilər şəhərdəki bəzi strateji mövqeləri ələ keçirə biliblər.

Digər tərəfdən Husilərin Er-Ravda və Usayfira mahallarına etdiyi hücum nəticəsində 2 nəfər öldürülüb, 15-i isə yaralanıb.

Samir