Dünyanın ən yaşlı narkotaciri - FOTO

Avstraliyanın Sidney şəhərində 91 yaşlı kişi 4,5 kiloqram kokainlə yaxalanıb.

Teleqraf.com xarici mediaya istinadən xəbər verir ki, Sidney aeroportunda polislər tərəfin saxlanılan adamın çantsından içi narkotiklə dolu 27 ədəd sabun qəlibi aşkar edilib.

Qocanın narkotik tacirlərinin qurbanı olduğu iddia edilir. Yayılan məlumatlara görə, yaşlı kişi Avstraliyaya Hindistandan gəlib. O, Yeni Dehlidə internet üzərindən tanış olduğu dostları ilə görüşüb və təzə tanışlar qocaya paketin içində hədiyyə verib. Qocanın paketin içinə baxmadığı və narkoticarətlə heç bir əlaqəsinin olmadığı bildirilib.

Amma buna baxmayaraq, 91 yaşlı kişi gələn ay hakim qarşısına çıxarılacaq. Günahının sübuta yetiriləcəyi təqdirdə onu 15 il həbs cəzası gözləyir.

Samir