6 ermənini öldürən əsgərin məhkəməsi keçirildi

Ermənistanın Gümrü şəhərində yerləşən 102 saylı Rusiya hərbi bazasını özbaşına və əli silahlı tərk edərək ağır cinayət törədən hərbçi Valeri Permyakovun məhkəmə prosesi keçirilib.

Teleqraf.com news.am-a istinadən xəbər verir ki, Permyakov yanvarın 12-də Avetisyanlar ailəsinin 6 üzvünü, o cümlədən 2 yaşlı qız və doqquzaylıq oğlan uşaqlarını öldürməkdə ittiham olunur.

Bu cinayət işi ayrıca icraata götürülüb və Ermənistan Xüsusi İstintaq Komitəsinə təqdim edilib. Gümri hərbi bazasında başlanan məhkəmə prosesinə Rusiya 5-ci Hərbi Qarnizon Məhkəməsinin sədri vəzifəsini müvəqqəti icra edən Aleksandr Şeldyayev sədrlik edir.

Məhkəmədə qətlə yetirilən ailənin təmsilçiləri və vəkilləri də iştirak edir. Prosesə jurnalistlər buraxılmayıb.

Samir