Dənizdə atışma: 1 mühacir öldürüldü

Yunanıstanın Sömbeki adası yaxınlığında sərhəd xidməti işçiləri ilə insan qaçaqçıları arasında atışma baş verib.

Musavat.com-un məlumatına görə, atışma zamanı bir mühacir vurularaq öldürülüb. Ölən mühacirin 17 yaşında olduğu bildirilir. Hadisə barədə Almaniyanın “Die Zeit” qəzetində xəbər yer alıb.

Xəbərdə qeyd edilir ki, yunan sərhədçiləri 70 mühacir aparan gəmini tutmaq istəyib. Bu vaxt gəmidə olan insan qaçaqçıları onlara atəş açmağa başlayıb. Həmçinin qeyd olunub ki, atışmadan sonra 3 türk insan qaçaqçısı tutulub.